Inxhinier mekanik, lexues i kujdesshëm, piktor realist, kureshtar, muzikë dhe sport dashës, tipare këto të një eksploruesi të vendeve më të bukura të Shqipërisë, Europës, Azisë e më tej. Interesit ndaj bukurive të natyrës, arkitekturës, muzikës, arteve pamore do t’i bashkangjitet natyrshëm kulinaria.
Restoranti ndodhet vetëm 14 km nga Tirana, në zonën kodrinore panoramike mbi luginën e lumit Erzen, me një mikroklimë shumë të favorshme për kultivimin e pemëve frutore dhe zarzavateve .
Kriteri bazë i Menu-së është sezonaliteti. Produktet të zgjedhura me kujdes të zonës dhe të sezonit, gatuar me teknikën e duhur për të përftuar shijen më të mirë dhe për të ruajtur vlerat ushqimore.
Kushte natyrore shumë të favorshme të temperaturës dhe lageshtisë së ajrit kantina ruan verëra shqiptare nga me të spikaturat, si dhe verëra te huaja kryesisht nga Italia dhe Franca.
Tradita familiare dhe rajonale është në përpunimin e distilatove me origjinë nga rrushi, manat, manaferrat, kumbulla, thanat që janë një aperitif shumë i mirë.
Artist realist auto didakt, chef Gëzimi i ka dedikuar kohën e tij pikturës që në vogëli. Studio dhe galeria e pikturave të tij që prej 2010 ndodhet ne gourmet restaurant Marchesi dhe chef Gëzimi punon me të njëjtin pasion dhe dëshirë mbi telojo.